धरान । डिजिटल मिडियाकर्मीहरूको साझा संस्था अनलाइन मिडिया एसोसिएसन नेपाल को दोस्रो वार्षिक साधारणसभा धरान–२० स्थित चिन्डे डाँडामा भव्य रूपमा सम्पन्न भएको छ। संस्थापक अध्यक्ष स्वर्णिमहाङ फोम्बोको अध्यक्षतामा सम्पन्न सभामा संस्थागत सुदृढीकरण र सामग्री सन्तुलनका विषयमा व्यापक छलफल भएको हो।
मुख्य–मुख्य हाइलाइट
भिडियो–केन्द्रित आलोचना: एक व्यक्ति/एक संस्थामै सीमित हुने आरोपबारे सन्तुलित प्रसारण कसरी गर्ने भन्नेमा गहन छलफल।
कल्याण कोष स्थापना: सदस्य दुर्घटना, दुःख–बिमारमा उपचार सहयोगका लागि विशेष कोष बनाउने निर्णय।
टेक्स्ट न्युज सुरु हुने: विद्यमान वेबसाइट नविकरण गरी भिडियोसँगै लिखित समाचार (Text News) तत्काल सञ्चालन गर्ने तयारी।
समावेशी र सन्तुलित कभरेज: सल्लाहकार रोहित राई र भैरव आङ्लाले अन्य संघ–संस्थाका गतिविधि समेटेर सन्तुलित प्रकाशन गर्न सुझाव।
टिभी रिपोर्टिङ शैली: भिडियोलाई टिभी रिपोर्टिङको मापदण्डअनुसार प्रस्तुत गर्न सिफारिस।
चुनावी कार्यक्रम सुझाव: जल्दाबल्दा विषय र चुनावी समयलाई ध्यानमा राखी उम्मेदवारसँग साक्षात्कार कार्यक्रम सञ्चालन गर्न सुझाव।
आर्थिक प्रतिवेदन पारित: कोषाध्यक्ष र सचिवद्वारा प्रस्तुत आर्थिक प्रतिवेदन सर्वसम्मत पारित।
सदस्य संख्या: हाल एसोसिएसनमा २९ जना सदस्य आवद्ध।
स्थानीय सरकार धरान उपमहानगरपालिकामा आधिकारिक रूपमा दर्ता संस्थाले आगामी दिनमा सामग्रीको विश्वसनीयता, विविधता र संस्थागत पहिचान थप बलियो बनाउने निर्णयसहित साधारणसभा सम्पन्न गरेको जनाएको छ।